IT.com.mk - Македонски ИТ портал - Microsoft си доби одговор

е-Бизнис 2.0

Услуги и анализи, ИТ новости, Е-бизнис, Интернет, Е-маркетинг

RSS Канал
Е-пошта
Биографија

Дамјан Арсовски

Twitter

Microsoft си доби одговор

Автор: Дамјан Арсовски
Објавено на: 08.04.2008
Денеска извршниот директор на Yahoo! Џери Јанг и Рој Босток, председател на бордот на директори на компанијата, одговорија на писмото на Стив Балмер во кое повторно рекоа на Microsoft дека за да размислуваат за продажба на компанијата понудата мора да е поголема од сегашната. Во писмото во кое Јанг и Босток на извршниот директор на Microsoft му се обратија со "Стив" (сигурно со цел да ја прикажат својата лутина за добиеното писмо) беше исто така назначено дека Yahoo! продолжува да бара алтернативни решенија (просто кажано други компании заинтересирани да ги купат) за нивната иднина но понудата на Microsoft им останува како опција. Во меѓувреме, првичната понуда на Microsoft која изнесуваше 44.6 милијарди US долари ($31 по акција) падна на 42 милијарди затоа што акциите на Microsoft достигнаа цена од 29.36 долари. Акциите на Yahoo! пак, заклучно со денешните извештаи од берзата се намалија и сега изнесуваат 27.70 долари. Реално после сите овие случувања, постои можност Microsoft да ја зголеми својата понуда доколку на 22 Април (како што е планирано) се објават извештаите за остварен профит на Yahoo! од првата четвртина во 2008 и се забележат позитивни резултати. Доколку нема ништо позитивно во нив, најверојатно Yahoo! ке си ги преиспитаат своите одлуки и со наведната глава ќе тркнат до Редмонд. Во своето писмо Јанг и Босток исто така ги истакнаа новите подобрувања кои компанијата ги претставува на пазарот и кои се дел од нивната стратегија за зацврстување на позицијата на светскиот пазар. Официјалното писмо беше завршено со зборовите: "ние нема да дозволиме ти или било кој друг да ја превземе компанијата за сума која не ја одсликува вистинската вредност." Оваа реакција на Yahoo! само докажа дека играта на големите момци продолжува и понатаму и дека во блиска иднина се очекуваат многу непредвидени работи... Интересен ми беше коментарот на уредникот на блогот TechCrunch, Мајкл Арингтон, кој сите овие случувања помеѓу Microsoft и Yahoo! ги опиша со следново видео. За да не придавам преголемо значење на ситните и неважни детали и да не ве досадувам со истите, во иднина ќе ги објавувам само најважните случувања од случајот "Microhoo" избегнувајќи ги шпекулациите кои кружат на интернет. П.С. Писмото во оргинал е достапно на следниов линк. Клучни зборови: Дамјан Арсовски Yahoo! Microsoft Microhoo Балмер Џери Јанг Интернет Микрософт Јаху

Сподели:

Последни написи на Дамјан

Тест на џиџе и табла-компјутер
објавено на 11.09.2009 во Услуги и анализи

Авторскиот труд не е бесплатен!
објавено на 03.09.2009 во Услуги и анализи

Нова Македонија - изгубени во преводот
објавено на 28.08.2009 во Интернет

Кога неможе Владата, може Телеком!
објавено на 22.07.2009 во Е-бизнис

Е-трговијата ставена на пауза
објавено на 24.06.2009 во Е-бизнис

ENIAC

ENIAC е првиот електронски компјутер, објавен во 1946, кој тежел 30 тони, имал над 17.000 цевки и бил долг 25 метри. Денешниот десктоп компјутер во просек може да сними милион пати повеќе информации отколку ENIAC и истото да го направи 50.000 пати побрзо.

Нема настани во наредните денови.