Сервисот го тестирав во различни периоди од денот и морам да кажам дека функционира одлично, иаку во некои случаи знаеше да задоцни по некоја секунда, но не верувам дека на некого би му пречело тоа.

Исто така, за пофалба е фактот што стримингот не е ограничен само на македонските интернет корисници - според моите информации, Zulu одлично функционира во Канада, Холандија, Ирак и САД (каде што беа забележани мали привремени прекини).

Ваков сличен сервис кој нуди пренесување на видео програма на неколку македонски телевизии (Kанал 5, А1, Сител, К-15...) преку интернет протокол е My-Home-TV.com, кој функционира уште од 2007 година. Сервисот на почетокот исто така беше бесплатен, но подоцна беше воведен модел кој понуди претплата од околу 10 канадски долари месечно, или 55 канадски долари за 6 месеци, односно 110 CAD за 1 година.

Дали и сервисот на Он.нет наскоро ќе воведе претплата за преземање на содржините или ќе воведе поинаков бизнис модел, ќе видиме... засега останува да уживате во бесплатните содржини кои имајте предвид дека не го "штедат" вашиот bandwidth. :-)