"Од понеделник почнува трансферот на средствата до средните училишта со упаство на кој начин треба да се реализираат обуките." изјавил Стојановски во Министерството за образование.

Ова ќе беше супер вест да беше некаде на почетокот на летото пред или за време на процесот на имплементација на компјутерите низ училиштата. Доколку тогаш наместо службениците при двете министерства да земаат годишни одмори, се концентрираа на создавање на програмата за обука на професорите и ја имплементираа, компјутерите немаше непотребно да се оштетуваат и да останат неискористени цели 3-4 месеци откако започна училишната година.

За да појаснам подобро каде според мене настанала забуната во остварување на скапиот проект "Компјутер за секое дете" создадов еден мал скетч на проектот каде што ги прикажав клучните процеси. Однапред се извинувам за моите ограничени способности за цртање, но се надевам ќе ми ја разберете поентата.

Доколку подетално го анализираме скетчот на проектот, ќе заклучиме дека забуната настанала помеѓу чекорите 3 и 4 каде што е извршена имплементација на компјутерите пред да се воопшто создаде обуката за луѓето кои ќе треба на учениците да им покажат како да ги користат кинеските компјутери.

Од која причина е настаната оваа забуна и зошто е рипнат 3-от чекор, па е создаден по комплетирање на 5-от искрено не знам, но претпоставувам дека со забрзување на чекорите 4 и 5 луѓето позади овој проект ќе добијат повеќе поени од јавноста бидејќи ете, компјутерите се поставени и можеме да ги видиме и пипнеме. Колку и кога всушност проектов ќе проработи како што е планирано најверојатно и не е толку важно. Најважното е тоа што сега низ училиштата имаме 100.000 компјутери кои ги красат училниците.

Не знам зошто продолжуваме и покрај многубројните досегашни (лоши) искуства да плаќаме за добри претстави кога добиваме само поставени сцени. Се надевам дека во блиска иднина ќе бидеме сведоци на некакви промени.