IT.com.mk - Македонски ИТ портал - Yahoo! со нова понуда од Microsoft!?

е-Бизнис 2.0

Услуги и анализи, ИТ новости, Е-бизнис, Интернет, Е-маркетинг

RSS Канал
Е-пошта
Биографија

Дамјан Арсовски

Twitter

Yahoo! со нова понуда од Microsoft!?

Автор: Дамјан Арсовски
Објавено на: 26.03.2008
Денеска акциите на Yahoo! се зголемија за 3 проценти откако повторно се раширија гласини дека Microsoft планира да настапи со нова понуда за купување на компанијата. Гласините се раширија на интернет и се иницирани од финансискиот аналитичар Марк Махани од Citigroup, кој тврди дека од причина што Microsoft е скоро очаен цврсто да навлезе во дигиталниот маркетинг нема така лесно да се откаже од присвојување на веб порталот. Досадно е веќе да напоменуваме дека на 1 Февруари оваа година, извршниот директор на Microsoft Стив Балмер, упати изненадувачка официјална понуда до Yahoo! за нивно купување со цена од 31 американски долар по акција или опција за замена на акциите со оние на Microsoft за заинтересираните акционери. Yahoo! ја одби оваа понуда сметајќи дека компанијата им вреди повеќе од "само" 44,6 милијарди долари и покрај фактот дека во тој момент, иаку се искачија за 3% (на сума од $28.33), акциите сеуште им беа под понудената цена на Балмер. Игрите не застанаа тука и убедени во фактот дека Microsoft е решен да стане главниот конкурент на Google како на многу полиња, така и во е-маркетингот... извршниот одбор на Yahoo! започна да игра итро прифаќајки нова финансиска и бизнис стратегија за настап во следните 3 години од која се очекува привлекување на поголем пазар и двојно зголемување на профитот дури и ако Yahoo! продолжи да биде самостојна компанија. Yahoo! исто така инстанто го подобри и зголеми својот маркетинг и дури се обиде да се понуди и на човекот кој ја поседува News корпорацијата, Руперт Мурдок, за да добие одговор од него дека неговата понуда нема да биде повисока од таа на Microsoft. Компанијата се обидува и да воспостави преговори и со Time Warner, корпорацијата која го поседува порталот Aol.com. Дали ова е само една добро планирана игра помеѓу големите играчи за зголемување на вредноста на акциите на компаниите кои ја играат, или пак навистина Microsoft ќе достави нова понуда.... Stay tuned. Постов е дел од моето "ветување" во текстот за радио рекламирањето на Yahoo! дека одблиску ќе ги пратиме активностите на компанијата за да видиме што навистина ќе се случи... Клучни зборови: Yahoo! Microsoft Берза Акции Интернет Портал Веб Балмер

Сподели:

Последни написи на Дамјан

Тест на џиџе и табла-компјутер
објавено на 11.09.2009 во Услуги и анализи

Авторскиот труд не е бесплатен!
објавено на 03.09.2009 во Услуги и анализи

Нова Македонија - изгубени во преводот
објавено на 28.08.2009 во Интернет

Кога неможе Владата, може Телеком!
објавено на 22.07.2009 во Е-бизнис

Е-трговијата ставена на пауза
објавено на 24.06.2009 во Е-бизнис

Bluetooth?

Технологијата Bluetooth го добила своето име по норвешкиот крал Харалд Блутут (Harald Bluetooth), кој бил познат по тоа што ги обединувал завојуваните племиња во Данска и Норвешка. Целта на технологијата исто така е да ги обедини разните технологии.

Нема настани во наредните денови.