Во написот за Време се вели:

„Ова значи дека секој што планира да се занимава со продажба, може да конкурира, без разлика дали станува збор за облека, пенкала или за нешто друго. “.

Според ова, ми звучи дека МИО се на пат да направат голема грешка. Наградувањето на пет фирми кои нудат пенкала, или било какви производи или услуги, може да се заврши на токму тоа – наградување на тие 5 фирми, и завршена приказна. А и со неможноста за PayPal интерграција, начелно, наградата ќе се додели за правење на веб сајт со листинг за производи, и толку.Toa нема да донесе ништо значајно за развојот на е-бизнис климата во земјата, зашто тоа се изолирани 5 приказни, кои на останатите не им прават разлика. Било која фирма која се занимава со продажба, нема интерес да гледа за никој друг, освен за сопствената продажба. Наместо да наградиш 5, а да ги налутиш другите, погрижи се дека тие 5 се лидерите, водачите суперѕвездите кои ќе го асфалтираат патот  за сите.

Треба да се отвори конкурсот за сите правни и физички лица кои мислат дека можат да продонесат, за да се израмни теренот и навистина сите да имаат еднаква можност.

Треба херои, и треба примери. Суперстар - бизнис модели. Фирми или луѓе кои ќе понудат градење на платформа, на која останатите лесно можат да се придружат. Ако наградата е навистина 10 000 евра, колку што се шпекулира, тоа е голем простор за правење на нешто одлично. Или 10 000 да пропаднат комплетно, ако системот се изигра, да се организира конкурс, колку да се каже ете, правиме нешто за развој на е-бизнис.

МИО треба да се погрижи оние 5 идеи кои ќе победат, да бидат со конкретна цел да се помогне на заедницата како целина, не само на самите себе – идеи аналогни на она што FeedBurner го направи за RSS, и она што Amazon го направи за елекронската трговија и достава. Не знам јас точно што е тоа, ама ајде да браинстормиме, ајде да решиме барем 5% од проблемите кои се пред нас, да создадеме атмосфера на возбуда, оптимизам, конструктивност кон нашиот е-бизнис.

Во Индија, директорите на успешните аутсорсинг компании се на ранг на суперѕвезди, поголеми и од нивните поп и Боливуд ѕвезди. Ни требаат и нас суперѕвезди и авторитети.

Напомена: Одговорот на МИО на моето барање за повеќе информации околку критериумите за избор и време на распишување на овој конкурс: bi sakale da Ve informirame deka se uste ne se znae konkretno okolu Vasheto prasanje, no stom ke ima konkretna informacija okolu toa ke bidete izvesteni.
Штом ќе имам понова информација, таа ќе биде објавена.