IT.com.mk - Македонски ИТ портал - Дефрагментирајте брзо и лесно

Вести

Статии

Совети

Дефрагментирајте брзо и лесно

Автор: Дамјан Арсовски

Објавено на: 23.04.2009

Кога вашиот хард диск ќе се соочи со висока фрагментација, целиот систем работи побавно, оперативниот систем подолго се вчитува, во некои екстремни случаи дури доаѓа и до системски грешки и самоиницијативни рестартирања на вашиот ПЦ. Особено во денешно време кога секојдневно се соочуваме со голем број на фајлови и нивен трансфер, редовно треба да го оптимизираме дискот и да ги подобриме неговите перформанси преку негова дефрагментација.

Но доколку сте ја пробале вградената алатка за дефрагментација во Windows, веќе знаете дека процесот завзема многу време а и дека не е многу ефикасен. Тука на помош доаѓа една корисна алатка наречена Auslogics Disk Defrag, која својата работа си ја врши брзо и која не верувам дека би можела да има поедноставен интерфејс.

Процесот на дефрагментирање преку Auslogics Disk Defrag започнува со еден клик, а програмот ви дава визуелен приказ на состојбата на хард дискот, бројот на фрагментирани фајлови како и колку имате слободен и искористен простор.

Дефрагментирајте брзо и лесно

Програмот е бесплатен за користење и ќе ви помогне да ги подобрите перформансите и стабилноста на системот, а со тоа и вашата продуктивност.

Auslogics Disk Defrag е одлична алатка за секој Windows корисник!

Сподели:

Bluetooth?

Технологијата Bluetooth го добила своето име по норвешкиот крал Харалд Блутут (Harald Bluetooth), кој бил познат по тоа што ги обединувал завојуваните племиња во Данска и Норвешка. Целта на технологијата исто така е да ги обедини разните технологии.

Нема настани во наредните денови.