Неверојатно е да се замисли дека во Македонија во која само 30% од населението има пристап на интернет има технолошки развиена телевизија.

Што е ИП ТВ?
ИП ТВ - телевизија преку интернет протокол - е телевизиски сигнал кој се добива преку широкопојасниот (broadband) интернет наместо преку кабел или антена. Не треба да се сфати како интернет телевизија која не зависи од провајдерот. Пример за интернет ТВ : YouTube.

„ИП ТВ е систем каде дигиталната телевизија се пренесува преку интернет протокол (ИП) преку мрежна инфраструктура, кој може да биде испорачана користејќи широкопојасен интернет. Поопшта дефиниција за ИП ТВ е телевизиска содржина што наместо да биде пренесена преку традиционалните радиопренос или кабел, се пренесува до гледачот преку технологиите користени за компјутерските мрежи (интернет)“ е објаснувањето на Wikipedia, каде што пишува дека користењето ИП ТВ се очекува да порасне од 200 милиони од 2005 до 400 милиони корисници во 2010 година поради зголемениот пристап на широкопојансиот интернет.

Зошто е подобро од нормална телевизија?
Како се поврзано со интернетот и ИП ТВ го има најголемиот адут против традиционалната телевизија - интеракција и ефективност.

Ефективноста доаѓа затоа што ИП ТВ доаѓа со телефон и интернет познато како „triple play“ преку еден провајдер. Во случајот на Македонија тие провајдери се Т-Home и Cabletel што може да им овозможи да го зголемат нивниот пазар, па дури и преземат во иднина, со нудење на три услуги во една. На сето тоа треба да се додаде и пристапноста на овие услуги за корисниците и провајдерот. Прво за корисниците - поразвиена технологија и само еден провајдер наспроти неколку. Добро за провајдерот е што сите три услуги се пренесуваат преку еден кабел со што се намалуваат трошоците.

ИП ТВ нуди неколку интерактивни можности за контрола на тоа што се гледа:

• Видео по Избор (Video on demand) - ова е опција со која може да се гледаат програми и филмови кога сакате, по ваш избор без врска на времето или дали емисијата завршила.
  
  
• Интерактивна содржина - паузирање, премотување и снимање на содржината без врска дали содржината е во живо или не.
  
  
• Гледање фајлови од компјутер - бидејќи се работи за еден кабел една мрежа секој медиумски фајл од компјутерот - видео, аудио, слики - може да се гледа на телевизор.

Проблемите на ИП ТВ се незначајни ако се споредат со можностите. Најголемиот проблем е губењето на дата пакетите односно губењето на содржината. Паузирање или прекинување на содржината може да стане голем проблем.

Што нуди Т-Home?
ИП ТВ на T-Home или одсега познато како МaxTV услугата ги нуди сите интерактивни можности на оваа технологија за цена од 999 денари до 2.999 денари зависно од пакетите.

„Какооов гооооол!!!! Овој незаборавен момент ќе остане врежан во вашата меморија, затоа што со MaxTV можете да го премотувате колку што сакате. И повторно, и повторно... Ах, каков гол...“ пишува како објаснување за вртење/премотување на програмата на сајтот на Т-Home.

Постои и видеотека „покрај пристапот до голем број ТВ канали, со видеотеката на MaxTV за почеток очекувајте избор од стотина филмови, кои постојано ќе се дополнуваат и менуваат“.

За почеток бидејќи е потребна мала инфракструктура: соодветен телевизор, телефонска линија и Media приемник 300, искористите ја опцијата да проверите дали ќе можете да ја користите оваа услуга на сајтот на T-home.