IT.com.mk - Македонски ИТ портал - Интервју со Robin Hamman од BBC

Вести

Статии

Совети

Интервју со Robin Hamman од BBC

Автор: Дамјан Арсовски
Објавено на: 20.05.2008
Ни пропадна планот "на големо" да известуваме за блогерската конференција Глокал 2.0 која се одржа на Њујорк Универзитетот во Скопје од 8 до 10 Мај. Конференцијата дефинитивно си доби внимание од блогосферата и медиумите, а повеќе информации за како се одвиваше и што беше презентирано можете да прочитате на официјалниот блог на Глокал 2.0, а на Flickr можете и да ги погледнете сликите од разни корисници преку заедничкиот таг Glocal20. Лично присуствував на првиот ден од конференцијата, но поради оправдани причини не бев во можност да се појавам и во наредните денови. Додека бев таму, морам да кажам дека организацијата и презентерите беа супер, со мала забелешка за сите оние кои на PowerPoint презентациите имаа ставено параграфи место клучни зборови и читаа од хартија место да презентираат. Генерално се помина во најдобар ред тој прв ден, а од тоа што слушнав и прочитав, и останатите 2 дена поминале супер. Еден од првите презентери беше Robin Hamman, новинар и уредник на блогосферата на BBC. Човекот навистина си има дар за презентирање и неговата презентација се состоеше од како BBC ги користи мрежите за социјално вмрежување и блоговите. Целата презентација е достапна тука. Во една од паузите, имав можност да седнам со Robin и да си помуабетиме за социјалните вмрежување и новите медиуми. Интервјуто го снимав со вградена веб камера од мојот лаптоп (така ќе се снаоѓаме додека не најдеме подобро) така да квалитетот на аудиото се потрудив преку разни програми да го подобрам, а видеото е оптимизирано заради состојбата на интернетот во нашава земја. Интервјуто е на англиски јазик, а деновиве ќе следи и текстуална верзија преведена на македонски. Исто така ќе се обидам да го презентирам видеото на подобар начин. Видеото е со времетраење од 33 минути. Повелете: Директен линк до видеото е достапен тука. Клучни зборови: Robin Hamman Робин Хаман BBC ББЦ Интернет Социјални мрежи Медиуми.Глокал 2.0 Интервју Конференција

Сподели:

Twitter сервиси

Повеќе од 50% од сите твитови на Twitter се објавени користејќи мобилни и веб-базирани алатки, а не платформата на Twitter.com. Најпопуларен сервис е TweetDeck со 19.7% искористеност. (Мај, 2009)

Нема настани во наредните денови.