На 27 декември Изреал изврши страшен авионски напад на цели за кои твдреше дека се тренинг кампови на Хамас и слични градби, и тој ден имаше 200 повредени и околу 200 мртви. По 10 дена напади, сега има 517 мртви и околу 2.362 повредени. По нападите светот реагираше со критики кон Израел и Хамас барајќи да прекине војната. Токму тука се вмеша и интернетот.

„Бидејќи дефиницијата за војна се смени, и дефиницијата за јавна димпломатија мораше да се смени“ рече Дејвид Саранга (David Saranga) од Израелскиот конзулат во Њујорк кои во вторникот одржаа „прва владина прес-конференција на Twitter“ на која прашањата беа одговарани со ИТ кратенки

Пример: „1st batch of xtra Qs from ystrdays conference R up on our blog, as promised!„

Саранга го објасни овој начин на комуникација како неопходен бидејќи „ако зборувам со шпанци, ќе пишувам на шпански, ако пишувам на Twitter ќе твитам“ и додаде „Сакаме да допреме до младата генерација која не чита конвенционални вести, но е заинтересирана за настаните на Средниот Исток, па помисливме дека ова е добар начин да дадеме одговор на прашањата на луѓето“.

Нормално тоа не е доволно да се оправда војната со неколку прашања на сервисот за микро блогирање кој дозволува реченици долги само 140 карактери и преку прес-конференција која траеше само 2 часа. Затоа решението е YouTube - најпопуларниот сајт за сподлеување видеа.

Израелската одбрана (Israeli defence forces - IDF) отвори канал на YouTube преку кој известуваат за сите акции. Ако се прашувате зошто да се објават црно-бели снимки од изрелските авиони додека бомбардираат на интернет каде секој може да ги гледа, IDF одговори „да ни помогне да ја пренесеме нашата порака низ светот со објавување на екслузивни снимки прикажувајќи ги IDF во акција“.

YouTube реагираше и тргна некои од видеата бидејќи ги прекршуваат правилата на популарниот сајт, но многу брзо ги врати „ексклузивните“ видеа и само ги одбележа како „несоодветни за малолетни“.

Претходно со победата на Обама интернет „играчките“ т.е друштвените мрежи, блогови и микро-блогови покажаа дека интернетот ќе се користи за политички цели. По терористичките напади во Мумбаи, се критикуваше технологијата дека е инструмент за организација на терористите. При авионските несреќи, Twitter се прослави заради брзата комуникација. Сега, тие алатки се во служба на пропагандата.

Дали користењето на медиумите им одговара на изрелските власти да го оправдаат масакрот пред светот - 512 мртви, 2.300 повредени палестинци наспроти 5 мртви и 62 повредени израелци?

„Блогосферата и новите медиуми се уште еден воен фронт и ние мора да се истакнеме таму“ рече портпаролот на изрелската војска, мајорот Авитал Леибович (Avital Leibovich).

Сепак, за војна се потребни два страни, па затоа и Хамас не се покуси. Тие отворија сајт со своја пропаганда, која е помала од изрелската, но доволно ефективна. Тие претходно имаа и канал сличен на YouTube на кој што промовираа видеа за тренирање на војници, меѓу другата содржина. AqsaTube беше тргнат во октомври од францускиот сервер кој го хостираше сајтот. Но сега постои Tubezik.

Иако луѓето од двете страни започнаа војна преку интернетот, со коментари и блогови до препукување на Facebook, сепак многумина ги користат интернет сервисите за промовирање на своите протести против нападите. Како и останатите низ светот, така и „граѓаните“ на Second Life, популарниот виртуелен свет, организираа протести против војната.

Global Voices, сајт преку која се преведуваат и објавуваат блогови од разни земји, за разлика од традиционалните медиуми врши осврт на ситуацијата преку блоговите. Меѓу нив се и тие кои живеат во Газа.

„Околу полноќ, израелски авиони ја погодија зградата на Палестинскиот правен совет, 1 километар од мојот дом. Непотребно е да кажам дека нема да го славиме почетокот на оваа Нова Година“ напиша Мухамед Али (Mohammed Ali).

За жал, постојат повеќе негативни последици од интернетот од позитивни. Додека едните се обидуваат да го искористат за дебата и решавање на спорот, други постигнуваат поголем ефект преку регрутирање нови членови или ширење пропаганда.

Изрелски и палестински сајтови постојано пријавуваат дека се хакирани, нешто што го видовме и во Грузиско-руската војна, се чини дека е неопходно да се прекине комуникацијата. Палестинска телевизија изјави дека нивниот сигнал бил прекинат од Изрел, и на телевизијата некое време се покажувало снимка од телефон кој ѕвони постојано и никој не се јавува додека глас во позадина вели „вашите водачи бегаат, а вас ве оставија на фронтот“.

Но, во случај на интернетот, нема толку хакери да тргнат/блокираат содржина колку што има блоговите и коментари. Препукувањето на интернетот кое ќе продолжи, видео содржината постојано се надополнува и без врска на YouTube или на Tubezik, илјадници луѓе ќе бидат изложени на пропагандата на двете инволвирани страни.

Оваа војна не завршува тука. Овојпат интернетот е на колена. Постои огромна содржина која не се филтрира како кај традиционалните медиуми, кои колку-толку се обидуваат да одржат баланс и да ги пренесат информациите односно фактите. Ако гиганти како YouTube, поради политички притисок не можат да цензурираат несоодветна содржина - видеа со војни напади односно насилство, тогаш...