Но...и покрај тоа што се сведовме на две друштвени мрежи, сепак листата покажува дека многу мал број медиуми всушност ги користат друштвените медиуми за споделување информации и за интеракција со читателите. Доколку има воопшто онлајн интеракција читател-медиум тогаш таа се сведува на веб сајтовите и оставањето коментари.

Интересно е што на Facebook - друштвена мрежа со околу 550.000 македонски корисници од 13 до 65+ години, скоро 1/4 од Македонија - сепак многу мал број медиуми имаат официјаленa или активенa страница. Медиуми како Дневник, Време или Утрински воопшто ги нема на Facebook, додека најпопуларната А1 група е против нивните реклами.

Што се однесува на Twitter, го земаме во предвид бидејќи се работи за веб сервис кој во неколку наврати покажа дека е одличен медиумски сервис, кој покрај споделување овозможува брза интеракција со читателите. Но за жал сите, апсолутно сите медиуми кои се на Twitter го користат како RSS фид.

Интересен факт е и тоа што само Шпиц на својот сајт има линк до својот Twitter профил, кој иронично нема ниту еден твит. Другите медиуми и да имаат официјални профили воошто не се замараат да ги презентираат. Додатно, повеќето не се запознаени со Fan страните на Facebook, туку се расфрлани по групи, некои дури имаат и приватен профил. Повеќе за Зошто Facebook Page, а не личен профил за твојот бренд .

ТЕЛЕВИЗИИ

A1

Онлајн присуствотo на А1 се сведува на веб сајт и Twitter. На сервисот за микро блогирање тие имаат 616 следбеници, следат 632 твитераши, ги има на 18 листи и имаат објавено 2.869 твита. Но... твитовите се само RSS нема никаква интеракција.

На Facebook A1 има официјална група со 1.685 члена, но немаат додадено содржина од 9 декември. Интересно најпопуларна А1 страница е „МРАЗАМ РЕКЛАМИ на А1 ТВ:@:@ од 15 мин. на сред филм..:@:@:@:@“. која има неверојатни 30.445 фанови.

Сител

Сител има мало учество на интернет. Нивното главно онлајн присуство е нивниот веб сајт. Што се однесува до друштвените мрежи Сител официјално е на Twitter, кој им служи како RSS. Твитовите се наслов и линк до веста. Нема никаква интеракција со гледачите. Сител има 2 Twitter профили, Sitel_vesti со 41 следбеници и 2.300 твита и SitelTV со 20 следбеници и 700 твита.

Сител нема официјална Facebook страница. Постојат неколку Сител групи, најголемата е приватен профил со 1.545 пријатели кој се чини дека никој не го администрира и е преполн со поклони од Facebook апликации. Друг поголема група е група „Сител“ со 744 членови, но нема никакви информации, ниту е адинистриран и затоа има навреди. Втора по големина е страницата „Да се забрни на Сител да емитува англиско првенство“ што мислам дека насловот говори за содржина.

Aлфа ТВ

Алфта ТВ има официјален и одличен водена Facebook група со 1.160 членови. Често се објавуваат нови информации и содржина и има одлична интеракција со членовите. Штета што Алфа нема Twitter профил, бидејќи се гледа дека тие што ја водат Facebook групата вложуваат напор во интеракцијата со гледачите.

Наша ТВ

Наша ТВ има активен и официјален Facebook група сo 2.146 членови. На својата страница Наша ТВ ја објавува и својата дневна програма што е доста интересно за гледачите, на кои програмата им е доставена на нивниот личен профил.

Канал5

Канал 5 има Тwitter кој го користат како RSS, имаат 78 следбеници и 715 твита. Што се однесува на Facebook има „Канал 5 + ТВ5+“ група со 84 члена и еден „Канал5“ приватен профил.

АЛСАТ

АЛСАТ има 966 члена во својата Facebook група, но според содржината се чини дека не е официјална страница ниту е администрирана. Нема ниту интеракција со публиката.

Немаат Facebook ниту Twitter профил:

• Tелма
• МТВ

ДНЕВНИ ВЕСНИЦИ

Шпиц

Тоа што е најинтересното кај Шпиц е што имаат директен линк до Twitter и Facebook страната на нивниот сајт. Меѓутоа нема ниту еден твит, најверојатно профилот е тазе како страницата на Facebook кој е направен на 20 јануари, па така е доста нов за да може да се искоментира и да се види каква содржина ќе биде објавувана.

Вест

Вест има доста активен Facebook страница со 1.099 фанови. Профилот се коирсти за споделување доста свежи информации. Често се постира содржина која ги привлекува читателите на дискусија, што е одличен пример за интеракција.

Нова Македонија

Има Facebook страница со 348 фанови каде се објавуваат текстови и информации, но за жал, иако личи на добро водена страница, последната информација е од 16 декември. Немаат Twitter профил.

Gazeta Lajm

Албанскиот весник Lajm има добро водена Facebook страница со над 6.257 фанови, што мислам дека е најголемата бројка на фанови на еден македонски медиуми. Поради неразбирање албански јазик не можам да видам каква е содржината, но се чини дека редовно се споделуваат информации, и не се врши спамирање. Нема Twitter профил.

Gazeta FAKTI

FAKTI имаат добро водена Facebook страница, исто како и Lajm, но со помал број фанови, односно Fakti има 1.835 фанoви.

Немаат Facebook ниту Twitter профил:

• Дневник (има Facebook страница со 9 члена и еден пост од јули 2008 год)
• Утрински весник
• Време
• Koha
• Вечер (има фанови на Вечер)
  

Бонус: Time.mk

Тime.mk е агрегаторот на вести и како што збира огромен број содржина така ја дистрибуира на Facebook и Тwitter. Но проблемот со Time.mk е токму големиот број на вести кои евентуално се дистрибуираат како наслов и линк односно RSS кој постојано спамира. Можеби најголемиот проблем на Time.mk е што преставува секаква содржина, од политика до забавна, па не секој чита секаков вид вести.

Доколку постојат официјални Facebook или Twitter профили на ови и други медиуми, слободно ги додадите во коментарите подолу.