Доколку личноста за која го планирате подарокот не поминува повеќе од 6-7 часа дневно на компјутер, не ја знае разликата помеѓу Linux и Windows и неможе да издржи без интернет повеќе од една недела без сериозни последици, немојте да се мачите да го читате текстов, бидејќи не би сакале подоцна да бидеме обвинети дека ви ја уништивме врската.

1. USB уред за загревање на кафе/чај (USB Cup Warmer)

Кратко кажано - феноменален изум. Овој уред овозможува вистинско уживање во вашето кафе или чај, оддржувајќи ја нивната соодветна температура преку моќта на USB-то.

Можете да го пронајдете на следниов линк, по цена од 900 денари.

2. Летна варијанта на претходниот уред

Овој уред е сличен на USB Cup Warmer и е наменет за решавање на проблемите поврзани со пијалоците во летно време и делува како мини-фрижидер. Го одржува вашиот пијалок ладен и е соодветен за пијалоци од 300 мл. Работи целосно преку USB.

Цена: Околу 1.800 денари
Достапен на следниов линк.

3. Бинарен часовник

Стандардните рачни часовници се веќе досадни... па затоа ви го претставуваме бинарниот часовник кој користи LED диоди за да го прикаже времето. Кога некој ќе ве праша колку е часот, само завртете ја раката кон него и уживајте во неговиот израз. Часовникот вистински го покажува времето, но на малку поинаков начин.

Цена: 3.150 денари
Повеќе информации и упатство за користење на линков.

4. Ретро слушалка за мобилни

Кој не би сакал во друштвена атмосфера кога ќе ви заѕвони мобилниот телефон и кога сите погледи ќе бидат упатени кон него, од џеб на јакната да извади старомодна слушалка и да зборува на неа? Бесценето. Оваа ретро слушалка работи со поголемиот број на мобилни телефони, дури и со iPhone и интересно е што не работи на батерии.

Цена: 1.200 денари
Повеќе детали на овој линк.

5. Анимирана LED табла за вашиот автомобил

Како подобро да ги изразите чувствата на возачите позади вас отколку со анимирана LED табла која се контролира далечински и која содржи околу 40 разни анимации? По поволна цена од 1.500 денари, ова е одличен подарок за сите гикови кои истовремено се и страстни возачи.

Линк

6. Паричник кој блокира RFID

Секој гик е загрижен за својата приватност и се плаши од "Големиот брат". Овој паричник дефинитивно е подобро решение отколку стариот паричник замотан во алуминиумска фолија со цел да се избегне RFID технологијата.

Цена: 900 денари
Повеќе детали на следниов линк.

7. Туш во боја

Туширајте се со стил! За само неколку минути со помош на овој уред можете да го направите вашиот туш да изгледа зачудувачки, со тоа што кога низ него ќе тече вода под 32 степени целиот туш ќе свети плаво (со што и водата добива одреден ефект дека е светло плава), а доколку тече топла вода (над 32 степени) светлото ќе биде црвено. На овој начин нема да имате потреба да го вклучувате светлото во вашето купатило.

Цена: 2.000 денари
Линк

П.С. Можете и вашите чешми да ги направите да светат на ист начин.

8. Star Wars светлосни сабји (Lightsaber)

Кој не би сакал да поседува светлосна сабја, знаете оние кои ги користеa Yoda и Darth Vader во серијалот на филмови Star Wars? Овие реплики ќе ви овозможат да уживате во реалистичното осветлување на сабјите и извонредните звучни ефекти кои тие ги остваруваат.

Овој подарок е малку поскап но верувајте дека вреди секој денар, на интернет може да се пронајде за околу 4.500 денари.

9. Bender - одличен десктоп пријател

За сите оние кои имаат гледано Futurama, нема потреба да објаснувам кој е Bender Bending Rodriguez. За оние кои сеуште не се запознаени со ова шоу (подобро да имаат добра причина за тоа!), ќе напоменам само дека Bender е метален робот кој по смртта на неговиот татко (кој е убиен од отворач за конзерви) завршува колеџ по виткање на метали и робо-американски студии. Ова е повеќе од обична играчка, може да се навие и да оди, да мрда со рацете, да го менува изразот на лицето, а можете и да му поставите цигара во уста.

Цена: 1.200 денари
Линк

10. Маици

Компјутерските фанатици се особено горди на маиците кои ги носат а содржат некои слогани кои или само тие ги разбираат, или пак мислат дека со тоа ќе изгледаат паметно. На сликата може да најдете избор на неколку маици кои би биле соодветен подарок.

Линк