Денеска најпознатиот софтвер за блогирање Wordpress доаѓа со опција со која при секое објавување нови содржини Wordpress автоматкски ги пингува пинг серверите кои претходно сте ги навеле. Под дифолт Wordpress го има ставено најголемиот и најпознатиот пинг сервер кој се користи, но пожелно е да составите ваша поголема листа и да ја додадете нa вашиот Wordpress. Еве ви една пример листа која може да ја користите подолу во постот. Листата на пинг сервери ја додавате одејќи во Setting - Writing, па - Update services (italic) и снимајќи ја промената. Има една лоша страна во користење на овој автоматски начин на пингање. Wordpress ќе пингне на секое објавување на нов пост (или менување на стар), па доколку сте промениле претходни 2 и објавите два поста во 15 минути ќе се извршат четири пингања во 15 минути на истите сервери што може од серверите да се третира како пинг спам. Затоа има направено и плагини за Wordpress со кои ќе го избегнете ова. На пример еден од нив и воедно најпопуларен е MaxBlogPress Ping Optimizer.

Друг начин да ги известите серверите е користејќи ги веб страните кои го имаат овозможено овој сервис. Едни од попознатите се: Ping-O-Matic!, Pingoat, King Ping, Auto Pinger ... Доколку се одлучите на ваков начин да пингате не правете го тоа од сите овие (и другите што ќе ги најдете) сајтови. Користете еден бидејќи содржат неколку исти пинг сервери што директно значи дека со користење на сите вие ќе го извршите пингањето неколку пати што пак ќе се третира како спам пинг од серверите. Моја препорака е Ping-O-Matic бидејќи ги содржи сите поголеми пинг сервери. Начинот на користење е повеќе од јасен.

Трет начин да го сторите истото е да преземете некој од програмите кои се наменети специјално за блог пингање: Blog Blaster, Blog Auto Machine и други, повеќето од нив не се бесплатни па нема да продолжам со објаснување на истите. Би требало да се добро документирани за парите што ги бараат.

На крај и моја Перл скрипта што го работи истото и е бесплатна. Ништо премногу лудо, но добро за оние што сакаат да видат како технички изгледа ова.

----------сек----------
#!/usr/bin/perl
# Blog Pinger 1.0
# stefan ATz it.com.mk
#
use Getopt::Long;
use XMLRPC::Lite;

my($blogName, $blogURL);
my @pinglist = qw(
http://api.moreover.com/ping
http://api.feedster.com/ping
http://rpc.technorati.com/rpc/ping
http://blogoon.net/ping
);

my $options = GetOptions('n=s' => \$blogName, 'h=s' => \$blogURL);
&usage unless ($blogName && $blogURL);

foreach my $ping (@pinglist) {
my $xmlrpc = XMLRPC::Lite->proxy($ping);
my $ping = $xmlrpc -> call( 'weblogUpdates.ping', $blogName, $blogURL);
#errors chking
my $fault = $ping->fault;
my $result = $ping->result;
my $reserr = $result -> { flerror };

if (!$ping || $@ || $fault || $reserr){
print "Ping failed at $ping\n";
next;
}else{
print "Ping successfull at $ping : $result->{ message } \n";
}
}

####Subs####
sub usage{
print "-> Blog Pinger 1.0 <-\n";
print "---------------------------------\n";
print "usage: perl $0 --n=Blog Name --h=Blog URL\n";
print "Ex.: perl $0 --n=Stefan's IT blog --h=http://stefan.it.com.mk/\n";
exit (1);
}
----------сек----------

Доколку направивте поголема листа на пинг сервери и ја снимите во фајл наречен list.txt, my @pinglist = qw(); делот сменетe го со:
open(FILE, "file.txt") || die "cant opent file.txt";
while(<FILE>){
chomp($_);
push(@pinglist, $_);
}

Скриптата го користи XMLRPC::Lite модулот па доколку го немате инсталирано ќе треба претходно да го сторите тоа. Уште една напомена: Доколку имате повеќе блогови не е пожелно да пингате со иста ИП адреса.