Постов не е ништо друго освен презентирање на еден интересен пребарувач на кој наидов деновиве. Сајтот не е нов, но го немам забележано досега. Причината за тоа е веројатно затоа што во најголем дел од случаите Google ми врши работа за било какви пребарувања, па потрагата по нови пребарувачи е непотребна. Шетајќи наоколу случајно наидов на овој пребарувач кој потполно го следи веб 2.0 трендот. Зборувам за Stumpedia.

Stumpedia не е првиот пребарувач што функционира преку директна поддршка на луѓето, но на уникатен начин ги користи посетителите. Гласањето pros/cons што од претходно беше присутно на Digg.cом и сличните сајтови на него, како и системот корисниците да пријавуваат стории што исто беше воведено во Digg-like сајтовите овој пребарувач ги искористува на поразличен начин. Значи пребарувачов генерално не користи ништо ново туку само ги користи веќе познатите работи на сопствен начин.

Stumpedia комплетно остава регистрираните корисници да додаваат сајтови и клучни зборови по кои тие ќе асоцираат. Може да звучи како проект што никогаш нема да успее, но бројките што ги презентира Stumpedia звучат доста добро:

• 22.789 линкови
• 7.889 регистрирани корисници и
• 50.000 пребарувачки изрази (клучни зборови)

По кратка регистрација и по успешно логирање веднаш може да почнете да го давате својот придонес и да пријавите неопределен број линкови и нивни изрази за пребарувње. Недостаток при регистрација е можеби тоа што лозинката се сетира дури по кликање на линкот кој се испраќа по е-маил што не е баш најстандардно. Уште една "несредена" работа околу регистрацијата е тоа што линкот кој се испраќа за активација и сетирање на лозинката никогаш не истекува и воедно е статичен. Не знам дали ова е намерно оставено за да избегнат барања за ресетирања или потсетување на корисничи лозинки ама некако не ми изгледа убаво. :)

Останата структура е едноставна. Си имате свој профил каде сетирате неколку информации за вас, во стил пол, роденден, ова-она... Со тоа што имате сопствен профил има опција за додавање на пријатели и ширење на мрежата со останатите корисници. На првата страна е илустрирана мрежа од некои од корисниците што се вмрежени и активни.

Сајтот одлучил да го акцентира своето ширење со своеволно поставување на банерчиња во неколку димензии од страна на корисниците што е согласно со целата идеја на сајтот. Ја има и стандардната опција за поканување на свои пријатели по е-меил.

Покрај ова, како што реков сајтов го следи новиот тренд, и очекувано е да видите официјален блог каде ќе се презентираат и дискутираат теми директно поврзани со Stumpedia како и други актуелни топици кои индиректно го засегаат сајтот.

Заклучок: Модерна идеја и солидна реализација.