Нормално не смислив концепт за како да го спречиме само-уништувањето или како генетски да ги мутираме луѓето да се хранат со пластика во изобилие и јаглерод моно/диоксидот да им е единствената потребна компонента или нешто слично. За ова ќе почекате барем уште година, две. :)

Веројатно не сум првиот на кој му дошла следнава идеја па можеби и има нејзина реализација, но искрено немам сретнато.

Ај доста со обидите за создавање на уметнички прозен текст. :) Идејата е поврзана со Оптимизирање за веб пребарувачи / Search engine optimization (понатаму во текстот како SEO). Не сум експерт во оваа поле, но знам што всушност е ова и како работи, а како што вели Хокинс (во слободен превод) "Ако знаеме како нешто работи, на некој начин и го контролираме".

SEO денеска е третото нешто по функционалноста и дизајнот кое го имаат вебмастерите. Идејата ми ја потикна најопштата
дефиниција за тоа што значи сајтот да биде SEO, а тоа е сајтот да биде според допадлив и да ги исполнува критериумите на големите интернет пребарувачи според кои подоцна и се рангира и избива на првите страници.

Работата е во тоа што тие критериуми не се глобални туку во одредена мера (нормално не голема) варираат од пребарувач до пребарувач. Па така на пример Google, во поглед на густината на клучните зборови (keywords), очекува тие во текстот на сајтот да бидат застапени со 2% (ова е оптимален процент), додека пак Yahoo! сака да види 5% застапеност на клучните зборови, а MSN 4%.

"Пополнувањето" на листата со критериуми ги вршат ботови или уште наречени пајаци (spiders) кои кружат наоколу по интернетот. И еве густината на клучните зборови нека биде единствениот критериум земен во овој текст иако бројот е далеку поголем, а самото оптимизирање е долг и непрекинат процес.

Сега нормално мора да избереме да го оптимизираме нашиот текст кој ќе се најде на страницата само за еден од големите пребарувачи. Сепак ова не задоволува бидејќи нормално сакаме сајтот да се наоѓа што повисоко на сите пребарувачи. Сега да размислуваме во основите. За да сајтот биде "привлечен" на пајакот на Google и пајакот на Yahoo! ние логично е дека ќе мора да ги препознаеме кога тие ќе го посетат нашиот сајт и да го дадеме како резултат она што всушност тие го бараат.

Токму тоа и е идејата, да ги проверуваме посетитетлите на сајтот пред да ги опслужиме и доколку посетителот е пајак од некој пребарувач да го опслужиме онака како што би исполниле повеќе критериуми за да не рангира повисоко. Директно во примерот со густина на клучните зборови ова би значело доколку посетителот е пајак на Google да го опслужиме со страна на која во текстот ќе фигурираат 2% клучни зборови, доколку пак посетителот е пајак на Yahoo! застапеноста на истите зборови да биде 5%. Се што треба да направиме е да го погледнеме user-agent делот во хедерот на барањето од посетителот кој најчесто содржи информација за видот на пребарувачот кој посетителот го користи.

Нешто повеќе за http хедерите овде. Листи на познати user-agent-и овде, или пак слободно самите побарајте.

Идејава може да се изведе на повеќе начини и тоа прилично едноставно, еве на пример со CGI скрипта би изгледало нешто вака:

------index.cgi------
#!/usr/sbin/perl
#

use CGI qw(:standard);
use strict;

my $vua = $ENV{'HTTP_USER_AGENT'};

if($vua =~ /Googlebot/){
#tuka ispechateta ja web stranicata nameneta da se dopadne na pajakot/botot na google indexgoogle.html
open(ServeGoogle,"indexgoogle.html");
while(<ServeGoogle>){
print $_;
}
close(ServeGoogle);
}
elsif($vua =~ /Slurp/ || $vua =~ /Yahoo/){
#ovde web stranicata nameneta za yahoo indexyahoo.html
open(ServeYahoo, "indexyahoo.html");
while(<ServeYahoo>){
print $_;
}
close(ServeYahoo);
}
elsif($vua =~ /msnbot/){
#ovde web stranicata nameneta za msn indexmsn.html
open(ServeMSN, "indexmsn.html");
while(<ServeMSN>){
print $_;
}
close(ServeMSN);

}

...

}else{
#na kraj stranicata za site ostanati

}
---------------------

Или php скрипта:
------index.php------
<?
$vua = $_SERVER['HTTP_USER_AGENT'];

if(preg_match("/Googlebot/", $vua)){
//kod namenet za google botot
}
elseif(preg_match("/Slurp/", $vua)){
//kod namenet za yahoo botot
}

...

else{
//kod za site ostanati
}

?>
---------------------

На овој начин ќе можеме да ги исфлиме сите работи кои пајаците не ги сакаат и да им го дадеме токму она што го очекуваат (кодот да биде по SEO стандардите, ќе може да ги исфрлиме непотребните линкови на пример ониe од кои немамe повратен линк, да ги исфрлиме непотребните Flash објекти итн.). Сепак не треба да претераме со разликите меѓу вистинскиот изглед на сајтот и оној каков што го прикажуваме на пајаците бидејќи луѓето очекуваат работите што ги бараат да ги видат на сајтовите добиени во резултатите од пребарувањето.

Сето ова го зборувам од теоретски аспект и верувам дека е барем логички издржано, а дали и како практично ќе функционира во моментов неможам да кажам бидејќи ова ми дојде како мала идеја и сеуште ја немам пробано. Доколку некој има искуство со нешто (слично) вакво, би било добро да го сподели тоа овде.