За да ne осигура дека nие ја имаат контролата врз тие информации, компанијата чие мото е „не прави зло“ ја објави Dashboard алатката со која можете да ги видите сите информации кои Google ги знае за вас.

Dashboard помага да дознаеме што знае Google за нас, информации зберени додека сме биле логирани со Google профилот и сме ги користеле сервисите. Можеби кога ќе погледнете што се знае Google за вас навистина ќе се уплашите за вашата приватност. Пример, Google знае за мене дека имам околу 600 мејла, 300+ испратени, дека имам десетина документи на Gdocs... Тоа се неверотно голем број информации! Приватноста како да не постои.

Но, тоа што е важно е што сега јас го знам тоа, и доколку сакам можам да да ги избришам тие информаци, или да ги сменам опциите за зачувување на информациите на одредени сервиси.

Факт е дека сите веб сервиси, не само Google, складираат податоци за своите корисници. Какви, кои и како ги користат тие податоци не се знае бидејќи не ги објавуваат.

„Големината и обемноста на деталите на Dashboard е без преседан, и ние сме среќни што сме првата интернет компанија што го нуди ова - и се надеваме дека ќе стане стандард.“ пишува Google.

Но, останува прашањето - што е со информации кои Google ги собира кога не сме логирани. Пример, информации за тоа што сме пребарувале на интернет преку пребарувачот, информации потребни за Google да ни покажува таргетирани реклами. Каква контрола имаме врз нив?

Во секој случај, треба да се поздрави потегот на Gооgle со Dasboard, иако е мал чекор кон контрола на приватните информации, сепак е почеток.