 На 28 мај, четврток, во 18 часот, од дома, на удобно пред вашиот компјутер ... ќе се одржи првиот Вебинар на кој ќе се опфатат темите за е-трговија. На вебинарот со тема „Е-трговијата пристигна и кај нас“ ќе се дискутираат прашања како „ Дали сакате да направите он-лајн продавница, а не знаете како? Дали знаете дека веќе дел од нашите банки почнаа да нудат услуги за он-лајн плаќања? Дали сакате да ги искористат своите картички на интернет ама немате доверба во македонските портали? Или пак сте независен набљудувач и ве интересира онлајн трговијата, но цело време слушате дека сеуште не е доволно развиена во нашата земја?“.
Вебинарот (онлајн конференција, онлајн семинар ) е организиран од граѓанското здружение Е-невладина, организација за поддршка и развој на е-општеството во Македонија.
На вебинарот ќе се презентира и дебатира за Е-Трговијата во Македонија, за искуства и проблеми, решенија и совети. Своите размислувања и искуства ќе ги пренесат Радован
Антик од TimPoint, Верица Гицова од UniBanka и Елена Иванова од ExploringMacedonia.
„Во Америка и Западна Европа тие се секојдневие, и на интернет има секој ден вебинари и затоа сакаме да го промовириме како еден вид комуникација и во Македонија.“ реле Никола Бојков од Е-невладина за Радио Слободна Европа.
„Трошоците за организирање на вебинар се сведуваат само на плаќање на лиценцата за софтверот за вебинар, што спрема трошоците за закупување на сала, простор, опрема, проектори, микрофони, мислам дека е неспоредливо.“ вели г-дин. Бојков.
Доколку сте заинересирани за Вебинарот, не мора само да следите тоа што се зборува.
Кога ќе се регистрирате
ќе имате опција да поставите прашање кое вие би сакале да се дискутира на вебинарот.
Надополнето 05.06.2009
Тимот кој го направи вебинарот, кој се одржа на 28 мај, сега го закачи и видеото и аудиото од вебинарот на својот сајт. Подолу можете да го погледнете тоа што се случуваше за тој час и половина. Исто за време на вебинарот имаше одлична дискусија на Twitter која можете да ја најдете тука
(Дискусијата за овој вебинар може да се најде на втората страна од пребарувачот на Twitter, бидејќи првата моментално е со твитови од руски вебинар)
E-trgovijata pristigna i kaj nas from E-Nevladina on Vimeo.
Клучни зборови: Вебинар Е-трговија Е-невладина онлајн трговија
|
