Kutiaman земал звуци од стотица видеа, ги составувал така како што му дозволува креативноста и од тие парчиња или звуци создал песна. А видеото за песната е исто така составено од делови од сите видеа од каде земал звуци. Идејата не е нова, прва е само поради користење на YouTube.

Несомнено „Тhru You“ на Kutiman ќе предизвика контраверзии дали ги прекршил авторските права т.е. користел дела без согласност, но во секој случај израелскиот уметник кој работел на проектот три месеци во својата спална соба, со генијална идеја се промовираше во светот.

Претходно „Gray Album“ oд Danger Mouse, сега член на позната Gnarls Barkley, се здоби со огромна слава иако албумот беше измиксан од семплови на „White album“ на Beatles и „Black album“ на Jay-Z. Danger Mouse се соочи со гневот на EMI, издавачката куќа која стои зад Beatles со што доведе до одредени контроверзни ситуации (повеќе можете да прочитате на Wikipedia. EMI никогаш не успеа да го повлече албумот затоа што корисниците беа задоволни од продуктот и самите го дистрибуираа низ светот.

Претходно пишував како да се искористи дигиталната технологија за креирање видеа за своја промоција. На тоа може да го додадеме и овој пример како да се искористи технологијата и леснотијата на комуникација за промовирање на креативни дела, но официјално - не ви го препорачувам патот на Kutiman бидејќи можете да наидете на проблеми со законот.