Според Information and Communications for Development 2009: Extending Reach and Increasing Impact извештајот, секое зголемување на интернет конекциите од 10%, резултира со зголемување од 1.3% на економскиот развој. Исто така, анализите покажуваат дека мобилната телефонија е најмоќното средство за дистрибуција на јавни и приватни услуги до стотици милиони луѓе од оддалечените рурални области.

„Бројот на интернет корисници во земјите во развој се зголеми за неколку десетици пати во периодот од 2000 до 2007 година, а исто така има околу 4 милјарди корисници на мобилни телефони во овие земји,” вели Мосен Калил, директор за информатички и комуникациски технологии во Светската банка. „Овие технологии нудат извонредни можности. Владите можат да работаат заедно со приватниот сектор на проширување и подобрување на широкопојасните мрежи, како и доближување на услугите до посиромашните корисници.”
Широкопојасниот интернет е важен за локалните ИТ компании кои овозможуваат вработување за млади луѓе, подобрување на продуктивноста и извозот, како и промоција на социјалното здружување. Земјите во развој треба да ја зграпчат оваа неискористена можност, која бележи помалку од 15% искористеност на потенцијалниот глобален пазар на ИТ услуги. Во 2007 година, овој пазар забележа промет од околу 500 милјарди долари.

worldbank.org

Според економистот и уредник на извештајот на Светската банка, Кристин Зен-Ваи Кванг, „Владите треба проактивно да го охрабрат развојот на ИТ компаниите преку стимулативни мерки и иницијативи насочени кон менаџерите и приватниот сектор, како и со инвестирање во знаење и инфраструктура.

Анализите покажуваат дека современите технолошки влади можат да бидат поефикасни, потранспарентни и поодговорни. Истражувањето спроведено во повеќе од 30 земји, покажува дека за успешна е-Влада потребни се организациски промени кои треба да бидат водени од високо ниво на политичка посветеност и ефективна координација.

Според Кетрин Сиера, потпретседател за одржлив развој во Светската банка, „Пристапот кон широкопојасните мрежи го комплетира процесот на создавање на информациите во модерните економии и треба да биде приоритетна задача во националните развојни планови. Владите може да ја одиграат клучната улога во проширување на широкопојасниот интернет преку мерки и активности кои ќе ја охрабрат конкуренцијата и приватните инвестиции.”

Извештајот е изработен врз основа на искуствата од вклученоста на Светската банка во овој сектор. Банкарската групација е најголемиот меѓународен донатор на средства наменети за развој и поддршка на ИКТ проектите во преку 100 земји ширум светот, со буџет од преку 3 милјарди долари.