Во поканата за презентацијата, Intel го опишува Core i7 како “најбрзиот процесор на планетата” според SPECint_rate_base2006, најавувајќи ги резултатите за презентацијата на 17-ти Ноември. Првите тестови покажаа дека Core i7 во пракса е многу побрз од Core 2 Duo и Core 2 Quad процесорите.

Nehalem е навистина посебен бидејќи носи значајни промени во системската архитектура на претходниот Core дизајн. Секој еден Core i7 има четири јадра и секое посебно јадро може да се однесува како двојадрен процесор. Преку "hyperthreading" ќе добиете перформанси како со процесор со осум јадра. Друга важна новина е Turbo Boost, технологијата која овозможува одредени јадра по потреба самите да се overclock-уваат по потреба, во зависност од тоа колку го оптеретувате вашиот компјутер.

Исто така откриени се и цените за новите процесори, кои ги потврдија претходните шпекулации дека 2.66GHz Core i7 920 ќе чини 284 долари, 2.93GHz Core i7 940 ќе чини 562 долари и 3.20GHz Core i7 Extreme 965 ќе чини 999 долари. Овие се дилерски цени за купени количини од минимум 1000 парчиња. Малопродажните цени не се објавени.

За да можете да го пробате новиот Core i7, покрај самите процесори, ќе треба да причекате да се појават и матични плочи со Х58 чипсет. Дотогаш уживајте со сегашните Core 2 Duo и Core 2 Quad.