 Google објави нова верзија на својот прелистувач Chrome во обид да ги одстрани недостатоците на претходната верзија. Google Chrome верзија 0.3.154.3 е објавена на Chrome Dev каналот, и ќе им овозможи на луѓето кои работат на него да ги тестираат последните поправки и новите работи истовремено додека се развиваат.
Програм
менаџерот на Google Chrome, Mark Larson вели дека "Верзијата 154.0 имаше
неколку проблеми со присилено исклучување на прелистувачот, вклучувајќи го и недостатокот при вклучување на
Tablet PC-ата кои работат на Windows Vista. Ги поправивме тие грешки и
верзијата 154.3 би требало да биде далеку постабилна".
Понатаму тој изјави и дека "Во новата верзија има доста надоградби за перформансите на додатоците,
поправка на видеата кои запираа само после една секунда, и плагините кои беа
причина прелистувачот да не реагира". Larson додава дека новиот Chrome е
побезбеден со новите сигурносни додатоци за симнување фајлови.
Со
излегувањето на новите бета верзии на Firefox и Google Chrome може да се видат
подобрувањата во однос на брзината на JavaScript, програмски јазик на кој се
базирани повеќето од најсовремените веб апликации како што се Gmail и Google
Docs. Резултат - двата прелистувачи имат направено голем чекор напред, но
Firefox сепак води пред Chrome, на еден пообемен тест на перформансите.
На
тестот изведен со Google's JavaScript speed test, тестирани беа Firefox 3.0.1,
првичната Chrome beta, Internet Explorer 7 и 8 beta 2, и Safari 3.1.2. Chrome
води на тестот со вкупна оценка 1.851 и Firefox на второ место со 205.
Поголемата оценка е подобра во овој тест.
На
тестот изведен со новите верзии на прелистувачите, последната верзија на Chrome
0.3.154.3 бележи подобрување од 22%, додека Firefox 3.1 beta 1 бележи
подобрување од 15%, со напомена дека Firefox е тестиран без TraceMonkey
JavaScript енџинот. Safari и IE не се вклучени во тестот бидејќи немаат нови
верзии.
Во
минатиот месец Mozilla му се спротивстави на Google, нагласувајќи ги
супериорните резултати на Firefox во однос на SunSpider speed test-от. Овде
TraceMonkey работи и
Firefox одржува предност во однос на Chrome и
другите прелистувачи. На овој тест помалата вредност е подобра.
Со
TraceMonkey-овозможен, Firefox води со оценка 2.257; Chrome е втор со 2.904;
Firefox 3.1 beta 1 без TraceMonkey е следен со 4.233; следи Safari 3.1.2 со
6.351; потоа IE 8 beta 2 е последен со 9.025.
Клучни зборови: Интернет Прелистувачи Browsers Firefox Chrome Explorer Safari Тест Тестирање JavaScript Резултати
|
