Напаѓачите користат SQL напад и додаваат JavaScript кодови на хакираниот сајт кој што ги пренасочува до еден од шест сервери, конкретно до сервер во Кина кој пак врши неколку напади напаѓајќи ги грешките (читај: дупки) во Firefox, IE, Flаsh Player и Active X. Доколку не се санира проблемот се инсталираат спајвер и тројанци на компјутерот на жртвата.

Роџер Томпсон (Roger Thomspon) истражувач за AVG Technologies, исто така фирма за безбедносен софтвер, изјави за ComputerWorld дека според неговите истражувања и според користените техники најверојатно е дека нападите се направени од студенти од Кина.

По завршување на претседателската кампања во САД се откри дека кампањата на Обама и Белата Куќа биле хакирани и биле преземени неколку важни документи. Во неделата ФБИ и Тајната служба рекоа дека нападите потекнуваат од Кина, но додадоа дека се уште не се знае дали хак-нападите се направено од владата на Кина или од поединци.

Интересно во саботата имаше нова вест - беше обелоденето дека кинески хакери често влегувале во мрежата на Белата куќа и преземале важни фајлови во неколку наврати. Исто така минатата година Кинеската армија го хакираше Пентагон.

Со хакерскиот викенд и со претседателските кампањи, прстот се покажува на хакерите од Кина. Но и во двата случаеви се прецизира дека „се уште не се знае кој ги врши“, односно се вели дека можеби зад тие хакерски напади не стои владата на Кина која има стриктна контрола на интернетот. Дали ова можеби значи дека некој сака да се скрие зад „лошата“ Кина или пак дека Кина може да влезе во кој систем сака?