Претседателот на Konami Digital Entertainment Кунио Нео изјави:
"Со ова постигнавме чекор напред во лиценцирањето и реалноста на играта. Лигата на шампиони е кремот на фудбалот и е само една од многуте новости кои се присутни во новата игра. Сакам да им ветам на фановите на PES многу возбудливи новости во наредните месеци."

Од другите новости во играта би можел да спомнам дека графиката е значително подобрена, стадионите, звукот и навивањето се побогати и поживи. Додадени се доста дриблинг финти кои ќе биде интересно да се употребуваат и подобрена е севкупната игривост.

Освен модот "Лига на Шампиони" додаден е и нов мод "Стани легенда" во кој ќе може да се креирате себеси и да одите по патот на професионалните фудбалери односно да играте како професионален играч. Секако тука ќе постојат можности за трансфер од еден во друг тим и за играње на интернет каде што можете да оформите заеднички тим со други онлајн играчи.

Новaта верзија на Pro Evolution Soccer 2009 е веќе излезена за Play Station 3, Xbox 360, PC и мобилни телефони следуваат верзиите за PSP (Play Station Portable) и Nintendo Wii кои се очекуваат на пролет.

За повеќе информации и занимливости од светот на PES погледнете го официјаниот сајт.

Клучни зборови:  PES   Konami   Игри   Champions league   Лига на шампиони   Фудбал   Фудбалска игра   Pro Evolution Soccer