Нормално, тоа не е намерата на Fire Eagle. Во апликацијата си има опција за „криење“ и бришење на информациите за вашето движење. Но зошто постои таква опција за бришење во софтвер чија намена е целосно за една причина - лоцирање?

Дали ќе бидат добро искористени или злоупотребени? Ова е прашањето на кое ќе мора да одговорат системите за глобално позиционирање (GPS) и другите технологии кои работат на сличен принцип.

Во Сан Франциско веќе се имплементира CitySense, софтвер за мобилен телефон, кој со GPS i Wi-Fi ви ги лоцира сите „жешки“ места во градот, места каде што се наоѓаат многу луѓе и активности. Тој софтвер ви ги снима навиките, и по тој шаблон ви ги прикажува местата кои би ви се допаднале.

Сепак, CitySense не е ново нешто од Sense Networks. Апликација работи на Macrosense платформа, која веќе се користи од бизнисмените и фирмите за анализирање на потрошувачите и конкуренцијата. Колку се далеку од гужвата, колку потрошувачи нуди конкуренцијата, од каде доаѓаат потрошувачите ...?

Друга алатка која користи GPS, Wi-Fi технологија и вештачка интелигенција, доаѓа од Microsoft. Тие планираат да го објават Clear Flow, софтвер кој ќе ве предупреди за сообраќајните гужви и ќе нуди варијанти како да се избегнат. Ова може да се сфати само како надополнување на стандардниот GPS. Имено GPS само ви ги прикажува патот и мапата.

Ваквите технологии веќе подолго време се во развој, но најверојатно Fire Eagle ќе го преземе приматот „водечки“ поради тоа што е лесен за користење и поради големиот број имплементирани апликации во софтверот. Во соопштението до јавност Yahoo! ги спомна додатните апликаци. Еве некои од нив:

• Brightkite: друштвена мрежа која ви овозможува да си ги пратите пријателите.
• Dash: GPS-навигационен систем за мониторирање на сообраќај.
• Dopplr: сервис за туристи и патници, и помага за информирање и разменување на податоци.
• Outside.in Radar: овозможува да се персонализираат локалните вести, кои ќе ве известат за се што се случува наоколу, каде и да сте.
• Loki: Loki ја додава локацијата во друштвените мрежи за да се сподели со пријателите, Loki ги користи Facebook, Twitter, Fire Eagle, RSS Feeds...

Во секој случај, овие технологии ќе го сменат изгледот на дружење и начинот на информирање.

Најава: рецензија на Fire Eagle наскоро на IT.com.mk.

Поврзано со оваа тема: Читајте вести според географска локација

Надополнување 14.08.2008:
„Овие сервиси ќе станат моќен двигател во нашиот живот, но и потенцијален кошмар за приватноста“ - рекоа за BBC од Центарот за Дигитална Демократија, коментирајќи ги новите сервиси кои се базираат на локации, поточно Fire Eagle na Yahoo!.

„ Овие услуги ќе им бидат продадени на потрошувачите како корисно нешто. Никој не зборува за фактот дека тие ќе градат и збираат податоци, не само за содржината што ви се допаѓа туку и каде одите и каде сте во моментот“ - рече директорот на ЦДД, Џеф Честер.