Во годишниот извештај за новите сајбер закани од Сигурносниот Центар при Институтот за Технологија и Информации од Џорџија, мобилните телефони се наведени како посебно ранлива категорија. Понатаму се посочува дека колку повеќе луѓето користат smartphones, толку повеќе апликациите ќе дозволуваат влез за финансиските и платежни фактори кои ги ангажираат, а со тоа и можноста за развој на такви "чувствителни податоци" ќе се покаже како вистинска мета за сајбер криминалците.

Според Simeon Coney од Adaptive Mobile мобилните оператори се соочуваат со 100.000 инциденти со вируси дневно, скоро 50% повеќе од минатата година. Исто така се проценува дека вирусите се причина за порастот на спамот од 0.5% на 6% во периодот од последните 12 месеци.

Првата генерација на овие вируси беше лесна за откривање од страна на мобилните оператори. Но во последните неколку месеци, вирусите со кои се среќаваме се од нов тип и најчесто се камуфлираат како MP3 фајл, слика или медиа фајл.

Експертите препорачуваат корисниците да обрнуваат внимание на безбедноста кај мобилните телефони исто како и кај компјутерите.

Се до сега, сигурноста на мобилните телефони беше во рацете на мобилните оператори, кои имаа заземено проактивен став спрема безбедноста на нивните корисници. Но последните безбедносни извештаи сугерираат дека соработката помеѓу мобилните оператори, производителите и компаниите кои ги развиваат апликациите ќе биде неопходна.

Просечниот животен цикус на мобилните телефони е само 2 години, споредено со животниот циклус на компјутерите кој е 10 години, и токму затоа, развојот на сигурносна инфраструктура за мобилните телефони ќе се случи за многу брзо време.

"Бидејќи областа на мобилните комуникации се развива многу брзо, тоа претставува единствена можност сигурноста да се дизајнира правилно - можност која ја пропуштивме кај компјутерите," вели Patrick Traynor во извештајот на Институтот за Технологија и Информации од Џорџија.