Новиот оперативен систем за мобилните телефони на Arm најверојатно ќе биде достапен во април 2009 година.

Роб Комбс (Rob Coombs), Директор за мобилен маркетинг во Arm, вели дека се очекува првите телефони со верзија на Ubuntu да бидат претставени за прв пат на саемот Computex, во јуни наредната година. Овие телефони ќе бидат базирани на Arm7 архитектура, односно на Cortex A8 и A9 процесорите.

Исто така, се очекува дека ќе поседуваат дисплеј со дијаметар до 25 цм (10 инчи) и ќе овозможуваат прикажување на видеа со добар квалитет, веб прелистувач, како и добро познатиот пакет програми Open Office. Комбс нагласува дека овие мобилни направи ќе го имаат истиот работен век на батеријата како и кај повеќето мобилни телефони.

Фактот што овие направи се мали, во голема мерка придонесе за огромната популарност кај корисниците кои бараат мали уреди што ќе ги користат за поврзување онлајн кога се надвор и во движење. Интересот за овој пазарен сегмент е придвижен исто така и од направи како што се XO лаптопите од проектот "Лаптоп за секое дете" како и од Eee моделите на лаптопи од Asus.

Arm произведува чипови кои компании како TI, Qualcomm и многу други ги користат како процесори кои работаат на 70-80% од мобилните телефони во светот. Чиповите дизајнирани од Arm исто така управуваат со многу мобилни телефони од новата генерација како што е случајот со G1 - првиот телефон базиран на Google-овиот софтвер Android.

Ова партнерство на Arm со Ubuntu, се надоврзува со најавата на Canonical во мај 2007 за развивање на верзија на Ubuntu, специјално наменета за ефтините мобилни платформи.