|
 FQDN ИТ ТВ
Клучни зборовикомерц ipv6 asus мрежи дизајн windows youtube usb заштита twitter voip интервју софтвер бизнис ipv4 intel маркетинг macbook информатика sql facebook блог интернет yahoo skype nvidia mcafee блогови google jooce програм global voices gmail ibm vista компјутери хакери adobe blizzard exploit linux microsoft web2expo друштвени мрежи apple cisco хардвер линукс податоци bill gates mejli web2expony |
||||||||||||||||||||||||||||||||||||||||||||||||||||||||||||||||
Како и кај секој интернет сервис кој брзо се развива, така и Twitter започна да забележува проблеми со огромни количини на несакани и рекламни пораки. Со цел да го спречат ширењето и да се справат со спамот, Twitter претстави нов профил на кој ќе можете со директна порака да пријавувате спам пораки.
Не е само актуелната економската криза фактор за падање на акциите на ИТ компаниите. Во овој случај, фактор за ниската вредност на акциите на Apple до најниската точка во последните 52 недели е гласина од iReporter, сајт за граѓанско новинарство на CNN, на кој се најде приказна дека Steve Jobs, извршниот директор на Apple, има доживеано срцев удар и е одведен во болница. 
Колку и како може ИТ да влијае на политиката? "Оваа алатка е дизајнирана директно да ве инволвира во нашата кампања за донесување промени во нашата земја" - вака беше преставена Оbama '08 iPhone апликацијата на блогот на сенаторот Барак Обама, кој е кандидат за претседател на САД.
Едно од најпознатите имиња на полето на компјутерската сигурност, Kevin Mitnick, беше стопиран од страна на имигрантската служба на САД по доаѓањето од Колумбија. На аеродромот во Атланта, некогашниот популарен хакер кој помина пет години во федерален затвор, а сегашен консултант за компјутерска сигурност бил задржан 4 часа на испрашување при кое му биле прегледувани мобилниот телефон, лаптоп компјутерите и личниот багаж.
Сајтот за онлајн пронаоѓање и споделување на страници StumbleUpon.com претстави нов веб-базиран тулбар со кој го смени начинот на користење на овој сервис. Корисниците повеќе нема да имаат потреба да се регистрираат или да го преземаат и инсталираат StumbleUpon тулбарот, туку можат на многу полесен начин да уживаат во оваа веб 2.0 алатка.
Hewlett-Packard го претстави на пазарот својот прв 13.3'' лаптоп компјутер, HP Pavilion dv3500t по цена од 1000 US долари. Лаптопот кој тежи нешто под 2 килограми го има најновиот Core 2 Duo процесор на Intel, NVIDIA GeForce 9300M GS 512 MB видео картичка, можност за надоградба до 8 гигабајти меморија и хард диск од 400 GB. Основната резолуција е 1280 х 800 пиксели.
Додека се одвива драмата во американскиот конгрес околу инвестирањето на 700 милијарди US долари од владината каса во приватни компании, едни од најиновативните технолошки компании во светот, особено оние базирани во САД, се загрижени за своите профити и бројот на потрошувачи и веруваат дека американската економска криза ќе влијае на нивната работа.
Најпопуларниот сајт за онлајн аукции, eBay објави нова екстензија за интернет прелистувачите Mozilla Firefox и Internet Explorer која на корисниците им овозможува да селектираат разни продукти на некој веб сајт и директно да ги споредат тие цени со цените на eBay. Во алатката е вклучен и Skype, компанија во сопственост на eBay, со тоа што овозможува директно повикување од прелистувачите со помош на истата екстензија.
Sony Electronics денеска објави промоција наречена "Мисија за милион" (Mission for a Million) организирана специјално за новиот филм на Џејмс Бонд кој ќе биде објавен на 14 Ноември оваа година. Промоцијата на Sony нуди награда од 1 милион US долари и се концентрира на промоција на HD (High-definition) производите на компанијата.
Компјутерски ентузијаст од Канада, обидувајќи се да пристапи до Yahoo! Mail сервисот преку IMAP (Internet Message Access Protocol) открил дека е-маил клиентот Zimbra во сопственост на Yahoo! ја испраќа вашата лозинка без енкрипција, буквално како обичен текст. Оваа грешка многу лесно може да се искористи од страна на хакерите, особено кога корисниците користат несигурни безжични мрежи.
|
 |
|
||||||||
|