Philips, еден од најголемите светски производители на медицинска опрема, вчера објави дека "iPill" капсулата со сензор ја мери киселината за да го определи местото каде што треба да се испушти медикаментот.

Носењето на лекот за третман на пореметувања на дигестивниот систем директно на заболеното место, тоа значи дека дозите на лекот може да бидат помали и на тој начин се скратуваат несаканите ефекти, велат од Philips.

Капсулите кои носат минијатурни камери веќе се употребуваат како дијагностички алатки, но тие немаат можност да носат медикамент во себе.

Интелегентна пилула, односно "iPill", може исто така да ја мери локалната температура и безжично да известува до надворешен приемник.

Компанијата планира да ја претстави "iPill" на годишното собрание на Американската асоцијација на фармацевтските научници во Атланта овој месец.

Од Philips информираат дека интелегентната пилула е прототип, но погодна е и за сериско производство.