ЕУ комесарот за ИКТ, Вивиен Ридинг (Viviane Reading) го поздрави одобрувањето на планот кој беше изгласан од Европскиот парламент во Октомври, по што се адаптираше новата програма за периодот од 2009 до 2013 година.

„Бидејќи овие технологии [интернетот и мобилните телефони] им помагаат на децата во учењето и им пружаат нови интересни начини да се социјализираат, тие се побрзи во користењето на технологијата пред родителите. Ние мора да се осигураме дека децата кога користат онлајн или сервис за мобилен, ќе можат да ги препознаат потенцијалните ризици и да се справат со нив.“ рече г-ѓа. Ридинг.

Новата програма ќе ги распредели 55-те милиони евра на 4 дела:

• 48% за зголемување на јавната свест
• 34% за борба против нелегалната и опасна содржина
• 10% за промовирање на побезбедна онлајн средина и
• 8% за постаување на едукативна дата база.

Исто така се објави и нова Eurobarometer анкета направена во сите земји-членки на ЕУ Која покажа дека:

• 75% од децата меѓу 6 и 15 години користат интернет (тренд кој се зголемува)
• 50% од 10-годишните деца имаат мобилен
• 60% од родителите се загрижени дека нивното дете може да биде сексуално злоупотребено на интернет
• 54% од родителите се плашат дека нивните деца можат да бидат излажани на некој начин, малтретирани преку пораки или да им одземат лични податоци
• 1/2 од родителите зборуваат со децата за тие опасности и тоа воглавно за давање на лични податоци онлајн и да не зборуваат со луѓе што не ги познаваат