Истражувањето на Gartner, фирма за ИТ анализи, покажало дека во просек само 3 од 10 компании имале формална полиса за користење на слободниот софтвер што, според Gartner, би ги штитела од проблеми со интелектуалната сопственост што би можеле да се случат во иднина.

Според истражувачите недостигот на формални полиси во една компанија при користење на слободен софтвер може сериозно да наштети на компанијата на многу полиња.

"Од причина што нешто е бесплатно немора да значи дека нема трошоци." - изјави директорот на истражувањето, Лаури Вурстер (Laurie Wurster). "Компаниите мора да развијат полиси и треба да знаат кои апликации можат да ги користат како слободен софтвер, како и да научат да ги идентификуваат потенцијалните ризици за нарушување на компаниската интелектуална сопственост. Кога еднаш ќе се усвои полиса, тогаш мора да има континуиран надзорен процес за да успее истата."

Врустер исто така додаде дека и разните видови на лиценци и форми на слободниот софтвер можат да го олеснат процесот за имплементација на СС во "фрустрирачките процеси."

Најголемата причина за користење на овој софтвер се трошоците. Слободниот софтверот, според Wikipedia "е софтвер што може да се користи, проучува и изменува без ограничувања, и што може да се копира и редистрибуира во изменета или неизменета форма без или со минимални ограничувања, само за да може првичниот автор да биде сигурен дека понатамошните корисници исто така ќе можат да ги прават сите тие работи."