Идејата околу друштвената мрежа која, сега има над 350 милиони корисници ширум светот, а околу 550.000 корисници од Македонија, се роди во 2003 година кога студентот од Харвард и основачот на Facebook, Марк Зукенберг блогираше трудејќи се да ја заборави неговата екс-девојка. Според студентскиот весник Harvard Crimson, Зукенберг хакнал во универзитетските компјутери и ги ископирал сликите на студентите по што ги закачил во студентски директориум заедно со основните информации. Тоа негово проектче привлече 450 посети и 22.000 прегледи на слики во првите 4 часа откако се објави на интернет. Многу бргу универзитетските администратори го изгасиле тој сајт бидејќи ја нарушува приватноста и авторските права.

Зукенберг сфати дека е потребно да се направи веб сајт, пред се поради заинтересираноста на студентите. Така на 4-ти фебруари стартуваше Thefacebook кој по првите 24 часа имал околу 12.000 регистрирани. Првично наменет за студентите од Хардвард универзитетот друштвената мрежа потоа да се прошири на Јел, Стенфорд, Колумбија и другите американски универзитети.

Во 2005 година компанијата на Зукенберг го купи доменот facebook.com за 200.000 долари, а на 26 семтември 2006 година Facebook стана достапен за сите од 13 до 65+ години. Денес Facebook е на пат кон светска доминација.

Историјата на Facebook е преведена од Wikipedia, доколку сакате да прочитате повеќе еве линк до македонската и англиската верзија на текстот.

Среќен 6-ти роденден Facebook! (Google Images)