 Пад на профитот на Yahoo! од 64% во третиот квартал на 2008, од компанијата велат дека ова влијаело на одлуката да се отпуштат околу 10% од работната сила најдоцна до крајот на годината. Во третиот квартал од оваа година, Yahoo! заработи 54,3 милиони долари, или четири центи по акција, што е пад од 64 проценти во однос на минатогодишните 151,3 милиони долари.
"Откако го увидовме падот на онлајн маркетингот во последниот квартал, одлучив дека Yahoo! мора да го забрза процесот во трансформација во поефикасна и поконкурентна компанија," вели главниот извршен директор Jerry Yang, човекот кој ја одби понудата на Steve Ballmer и Microsoft вредна 47.5 милијарди долари за преземање на Yahoo!. "Верувам дека заздравувањето на Yahoo! во овој момент ќе обезбеди повеќе флексибилност за управувањето во моменталните услови и ќе ја зајакне нашата позиција во иднина."
 Jerry Yang Целта на Yang е да скрати околу 400 милиони долари годишни трошоци. "Бидејќи поголемиот дел од нашите трошоци се поврзани со бројот на вработени, ние одлучивме да ја редуцираме глобалната работна сила за најмалку 10% до крајот на годинава. Ова е првиот чекор како дел од напорите на подолг период кои ќе продолжат во 2009 година па и понатаму."
Како резултат на ова, компанијата планира да отпушти околу 1.430 од своите 14.300 вработени. Со ова се бележи втората рунда на отпуштање на вработени на Yahoo! во период од една година. Претходно во Јануари, како резултат на намалениот профит во последниот квартал на 2007, Yahoo! отпушти 1.000 вработени.
Неколку месеци претходно, во Мај, Steve Ballmer му понуди на Jerry Yang 33 долари по акција за неговата компанија, и Yang ја одби понудата, инсистирајќи дека понудата не ја одразува вистинската вредност на Yahoo. За помалку од шест месеци Yahoo тргува со 12.07 долари по акција. Како резултат на најавените рестрикции во поглед на бројот на вработени, акциите на компанијата паднаа за повеќе од 6% во часовите после најавата.
Како и да е, Jerry Yang е сигурен дека Yahoo е подобар од било кој друг интернет маркетинг огласувач - барем кога станува збор за прикажувачки реклами. "Наспроти тешкото опкружување, голем оптимист сум во врска со иднината на нашата компанија. Додека многу маркетинг компании ги чуваат буџетите внимателно, јас сум охрабрен бидејќи повеќето од клиентите кои натаму трошат во овие услови, трошат кај Yahoo!"
Во меѓувреме, профитот на Google скокна за 31% за време на третиот квартал, благодарение на монополот во бизнисот на рекламирање преку пребарување.
Клучни зборови: Yahoo Jerry Yang Јаху Џери Јанг Економска криза Отпуштања Вработени Финансиски резултати Профит Бизнис Економија
|
