Иако Fred е кретен и идиот и.... човекот што стои зад него е генијалец. Лукас Круиксшанк (Lucas Cruikshank) е 15 годишник кој започна со емитување на Fred на YouTube заедно со неговите братучеди. Првото шоу е објавено на 1-ви Мај 2008 година, а интересно е тоа што Лукас имал изработено и маркетинг план за Fred.

Шоуто го пратат деца на возраст од 13 до 18 години, најверојатно и помали бидејќи за создавање на профил на YouTube минимумот е 13 години.

Шоуто се објавува во четврток во временски периоди кога децата ќе се пуштат од училиште за да можат да го гледаат. Овој потег е стратегиски, со тоа што во петок, фановите на Fred би го раскажувале шоуто на врсниците на училиште за во саботата сите да го гледаат, што всушност е денот кога посетеноста на шоуто експлодира.

Овој мал генијален план носи и големи профити. Огромната популарност на Fred привлече компании кои сакаат да го користат за рекламирање на своите продукти. Компанијата за безжични уреди ZipIt плати за реклами во шоуто и заедно со Лукас создадоа посебен сајт FredOnZipIt.com, Walden Media и 20th Century Fox сакаат Fred да го промовира филмот City of Ember. GR Branding, агенција за лиценцирање, склучи договор за Fred облека. Се на се бизнис менаџерот на Fred вели дека шоуто носи шестцифрени профити.

Официјалниот сајт на Fred е: http://fredfigglehorn.com