Се повеќе се закачуваме на друштвените мрежи додока сме на работа, вели истражувањето на Trend Micro. Според анализата, 1.600 интернет корисници, кои користат имејл и се по 5 часа дневно на компјутер, од 4 земји: САД, Британија, Германија и Јапонија во последните 2 години се почесто, поточно 5% повеќе се закачувале на друштвените мрежи додека се на работното место.

Од испитаниците дел биле од големи компании каде користењето друштвени мрежи додека се на работа е помало, можеби бидејќи поголемите компании филтрираат пристап до одредени сајтови. Таков е случајот и во Македонија. Додека пак, кај помалите компании, приклучувањето на друштвените мрежи додека се работи е поголемо.

Интересно работниците со лаптоп почесто се закачувале на интернет, поточно 11% повеќе одошто работниците со десктоп компјутер.

Но… ова не мора да значи дека работници не сакаат да работата па одгледуваат растенија на виртуелните фарми. Напротив ова може да значи и дека друштвените мрежи стануваат важен извор на информации и контакти, секако зависно од професијата.