Репортерите без граници (RSF), огранизација која промовира за слобода на говор, обави извештај за денешниот онлајн пристап по повод 12 март, Свестки ден против сајбер цензура. Извештајот ја содржи и „Непријатели на интернетот“ листата на земји кои ја контролираат слобдата на изразување, ја цензурираат содржината и го ограничуваат пристапот до информации.
 
„Потенцијалот на интернетот како отворена порта кон светот директно е контрадикторен со тенденцијата на овие режими да се изолираат себеси од останатите земји.“ пишува во извештајот.

Меѓу земјите непријатели на интернетот се најде и Австралија која е „набљудувана“ поради нејзините обиди да воведе филтри за содржина и да воведе закони да ја спречат онлајн анонимноста.

Според RSF следниве земји се непријатели на интернетот:

• Бурма: двајца владини службеници се убиени бидејќи пратиле документи во странство преку имејл. Остра цензура и сите блогери се водат како непријатели на државата.
• Кина: цензура, целата содржина е зад „Големиот Огнен Ѕид“,
  пропаганда, хакнување на Google, и форсирање на локални сајтови контролирани од властите
• Куба: интернетот е луксуз, властите користат две мрежи, контрола на блогерите
• Египет: интернетот се користи за мобилизација и пропаганда, огромна контрола и малтретирање на блогерите
• Иран: рекордер во цензурирање, онлајн мониторинг. Интернет провајдерите рентаат бендвит на иранскиот Телеком кој е контролиран од власите. Сета содржина поминува низ филтрите на телекомот.
• Северна Кореја: Во најхерметички затворената земја, поголемот дел од луѓето не се свесни дека постои интернет. Мрежата се користи од властите за ширење пропаганда во странските земји.
• Саудиска Арабија: традицијата и блогерите се во конфликт, пропаганда која е фокусирана на себе-цензура.
• Сирија: цензура и гонење на нетграѓаните кои се против властите.
• Тунис: Интернетот е оценек како можна опасност за стабилноста на земјата. Цензура, филтирарање и набљудување.
• Туркменистан: Само 1% од популацијата има интернет. Информациите се контролирани од власта.
• Узбекистан: строга медиумска цензура, филтирање на веб содржина и закани кон критичарите.
• Виетнам: цензура и контрола на блогерската содржина која ја критикува власта или Кина.
• Австралија: Под маската за борба против детска порнографија власта воведува систем за филтрирање досега не виден во демократска држава.
• Бахраин: Властите се обидуваат да воспостават контрола врз содржината.
• Белорусија: властите планираат да воведат филтри за содржина.
• Еритреа: брутално диктаторство кое се обидува да ги држи луѓето подалеку од мрежата.
• Малезија: Нема цензура, но блогерите и веб новинарите се малтретирани од властите.
• Русија: интернетот е контролиран од владина структура, провајдерите мора да инсталираат софтвер за онлајн набљудување. Има закон кој и дозволува на власта да изврши веб набљудување без налог.
• Јужна Кореја: Иако 90% од јужно корејците имаат пристап до интернет, сепак властите се обидуваат да ја зајакнат цензурата велејќи дека законите за цензура се за борба против „лажни информации.“
• Шри Ланка: пропаганда, цензурирање и контрола на содржина
• Тајланд: строга контрола на текот на информациите, интернетот е политичка алатка
• Турција: блокирање на сајтови меѓу кои и YouTube, блогерите се набљудувани
• Обединети Арапски Емирати: и покрај висока интернет пенетрација властите воведоа систем за филтрирање, подржан од строги закони